話講昨日(28/3)下午出車去送貨同取件, 老闆一早講左比我同我同事知, 話在XXX地鋪取件, 話灣仔街市果條街, 即係皇后大道東啦, 咁我地送晒貨啦, 去到皇后大道東灣仔街市果條街啦, 停低架車一齊搵果間xxx地鋪, 搵極都搵唔到, 咁我同事就扛電話比老闆啦, 老闆就話係灣仔街市呀, 近榮華大酒樓果度呀......我同我同事聽到之後諗......榮華大酒樓....即係駱克道啦, 個街市即係駱克道街市..........真係比佢吹脤......
唔通話而家身處灣仔, 見到街市就叫灣仔街市咩?咁如果我身在北角, 見到街市就叫北角街市呀?我只知北角只有電器道街市同渣華道街市, 如果真係叫我去北角街市, 唔好意思, 我唔識去....唔好話唔識去啦, 你問的士佬小巴佬甚至差佬, 都一定話唔識去啦.....點解...都係因為冇北角街市嘛(廢話)
1 則留言:
不是街市問題, 酒店也是問題, 我老細叫我去"維景酒店"拿貨, 我問老細是不是在灣仔, 他說是, 我就開車去灣仔維景酒店, 但見不到人, 原來不是灣仔維景酒店就是銅鑼灣維景酒店, 但老細話不是同一區酒店嗎, 氣死我 -_-
發佈留言