去珀麗灣

4月9日星期六, 上午番工, 個天陰陰地, 原定約左排骨去珀記影相, 原因天陰打算cancel, 點知12:45分時排骨話青衣果邊有少少太陽, 咁就照舊去啦
我就去中環2號碼頭坐2:00的高速船, 由地鐵站行去碼頭都行餐死...........都唔知邊個失敗者去規劃d地方......!! 由於我太耐冇坐船(天星小輪唔計), 去到點知來架 "珀七 " 唔係行噴射(Water jet)的...係行車葉的.....算啦, 反正都係高速船, 照上, 一剛剛上船即下雨.......唔係嘛..... 排
骨就2:12分青衣上珀記巴士去珀記, 我的船約20分鐘航程, 去到接近青馬大橋, 我打比佢問佢係邊, 佢竟然話係青馬大橋, 咁我的船剛剛泊岸同下船, 佢就同一時間下車, 真係巧合
之後去醫肚先, 醫完就去影下相咁, 影到4點幾就坐番珀記巴士去葵芳解散

珀記相片, 去相

又開左好多車

好耐冇打日記啦

e 排都係好多車開, 最正始終都係LEXUS, LEXUS 有日本BENZ 的美譽, 又靜又定又舒服

價錢仲要平過BENZ一倍

我開過咩車, 今次貼5架啦, 之前果D 在下面!去片睇啦

又比同事激死

繼上一次比老闆激死之後, 今日30/3/2007, 又比同我一齊送貨的同事(下稱老何)激死

今日要送貨去中環6號碼頭, 再把貨送去新渡輪的收貨處收費亭, 因為呢批貨係去梅窩嘛
咁因為之前送貨去離島, 係應個客要求去石塘咀果個碼頭, 用佢地的私家船送嘛

但今次個客要求用新渡輪去送貨, 咁我地好正常應該去中環6號碼頭啦, 咁我負責開車, 去到金鐘時, 正準備cut左線去中環碼頭啦, 點知老何唔比我cut左線, 叫我直行去石塘咀, 我話唔係石塘咀, 係6號碼頭呀, 佢話唔係啦, 係石塘咀呀, 我就同佢講, 叫佢睇送貨單, 同埋我之前同佢講左話係6號碼頭, 佢番先知衰左, 就立即叫我cut左線, 但為時已晚啦, 去到雙白線唔比cut, 咁即係要直去西環再掉頭番中環............唉

好啦!去到中環6號碼頭啦, 6跪碼頭有2個目的地的, 右邊入口係去梅窩, 左邊入口係去坪洲, 老何一落車, 睇都唔睇就將d貨拿左去左邊入口, 即係坪洲, 我見到就問老何啦, 佢開我2邊唔係一樣的咩?我話你睇清楚d啦, 上面咁大個牌寫住, 之後佢又走番去左邊入口的收貨處問, 係唔係去梅窩, 個職員話唔係, 隔離右邊先係, 佢先知又衰左, 拿拿聲取番d貨去隔離右邊入口.................唉唉

唉...........你話係唔係比人激死

比老闆激死

話講昨日(28/3)下午出車去送貨同取件, 老闆一早講左比我同我同事知, 話在XXX地鋪取件, 話灣仔街市果條街, 即係皇后大道東啦, 咁我地送晒貨啦, 去到皇后大道東灣仔街市果條街啦, 停低架車一齊搵果間xxx地鋪, 搵極都搵唔到, 咁我同事就扛電話比老闆啦, 老闆就話係灣仔街市呀, 近榮華大酒樓果度呀......我同我同事聽到之後諗......榮華大酒樓....即係駱克道啦, 個街市即係駱克道街市..........真係比佢吹脤......

唔通話而家身處灣仔, 見到街市就叫灣仔街市咩?咁如果我身在北角, 見到街市就叫北角街市呀?我只知北角只有電器道街市同渣華道街市, 如果真係叫我去北角街市, 唔好意思, 我唔識去....唔好話唔識去啦, 你問的士佬小巴佬甚至差佬, 都一定話唔識去啦.....點解...都係因為冇北角街市嘛(廢話)

25/3/2007 下白泥幾小時遊

25/3/2007....原本天文台話會陰天下雨的天氣, 在這天忽然放晴, 加上我又問朋友借左架超正的LEXUS ES300 豪華房車, 咁就約埋其他人共5架車, 有LEXUS ES300, BMW 假M3, 日產SUNNY B14,標緻206, 豐田ECHO 1.3, 一齊在元朗大球場集合, 再一齊由大車到細車排列出發去流浮山下白泥影日落
行左接近30分鐘, 我地4點幾去到目的地, 而且仲要霸到個靚位剛剛好泊到5架車....其他遲來者要另外搵位泊車!唔好意思!

影到6點幾之後, 因為日落完啦, 好多人離開, 攪到條路勁多車又塞住晒, 之後由標緻206帶路去元朗食飯, 點解由標緻206帶路?因為佢係元朗人, 元朗係佢地頭嘛!

去到係食泰國野, 一人54元, 唔貴, 之後去又食B仔涼粉, 食糖水時, 老海講野勁攪笑, 笑到唔識收聲
之後就番入油番屋企, 入油入左420元, 共行左370公里, 計落$1.2-1.3/1km, 3000cc V6 車的級數來講叫 好平


5架車合照



影日落初哥, 影得不太好

開車成狂

e 排成日開好多唔同車, 公司車同朋友車都有, 最少有13架車, 有好駕有唔好駕
至於大家鐘意邊架就自己睇啦!